O curso está a piques de comezar

Prezadas familias:

Sen apenas decatarnos... setembro xa chegou! 🌞📚

Agardamos que poiderades desfrutar dun verán cheo de momentos especiais e merecido descanso.

Agora toca poñerse en marcha: o novo curso 2026–2027 está á volta da esquina, e comezamos o mércores 9 con moita ilusión, ganas e novas propostas.

Nesta publicación atoparedes toda a información destacada para comezar con bo pé, así como as novidades sobre as actividades extraescolares 🎨🤸‍♀️ nas que xa podedes inscribirvos.

Imos con forza, con ideas frescas e coa enerxía que merece este novo capítulo.

💥 Comezamos!

Ábaco:

Ábaco é a nova app que comezamos a usar este curso e na que recibiredes todas as comunicacións oficiais, avisos e novidades da ANPA de xeito directo e rápido no voso móbil. Ademais de ser a nosa canle de información principal, a través de Ábaco poderedes asociarvos á ANPA de forma 100% dixital ou inscribirvos no servizo de Agarda con Nós. Podedes descargala en https://abacoapp.es/apps. O resto de inscricións teñen que facerse directamente a través das plataformas de cada empresa:

• Cóxegas e Ludiverso: app Federación.
• Sonicreques a través de Clubber.
• EdukaJudo na súa web.
• Comedor, Madrugadores e Cambiadores: web de Jardanay.

Cóxegas:

Unha vez finalizado o prazo de inscrición, a actividade Cóxegas iniciará o mesmo mércores 9 de setembro, no seguinte horario:

• Luns, martes, mércores e xoves de 16:00 a 18:00 h.
• Venres de 16 a 17:00 h.

Esta distribución horario débese ao número de inscricións en cada unhas das opcións horarias. Polo tanto, o venres que a actividade remata ás 17:00 horas non será posible prolongala ata as 18:00 horas.

Agarda con Nós:

Do mesmo xeito, tamén a partir do día 9, seguiremos contando co espazo de conciliación Agarda con Nós. Podedes solicitalo na aplicación Ábaco na opción de Servizos. Toda a informacion na ligazón:

Alta/renovación de familias socias:

Para asociarvos ou renovar a condición de familia socia para o curso 2026-27 tedes que empregar a nova APP Ábaco, que podedes descargar en: https://abacoapp.es/apps A condición de familia socia da ANPA renóvase de forma anual mediante o abono da cota de 25€ por familia. Toda a información na ligazón:

Libros de texto de 3º a 6º de Primaria:

Para todas aquelas familias que non puideron consultar a lista de libros concedidos no FondoLibros da Xunta, podedes facelo e solicitar os libros que non teñades ao banco de préstamo da ANPA ata o luns 7 de setembro.

Toda a información na seguinte sección:

Actividades Extraescolares:

Unha vez presentada a proposta de actividades extraescolares para o curso 2026–2027, lembrámosvos que o prazo de inscrición continúa aberto ata o 13 de setembro 🗓️✏️

Todas as actividades desenvolveranse entre o 1 de outubro de 2026 e o 21 de xuño de 2027, ofrecendo un amplo abano de opcións pensadas para enriquecer o día a día do alumnado.

Tal e como se explicou na xuntanza informativa do pasado 22 de xuño, seguimos apostando por unha oferta pública, de calidade, seguindo a liña do noso centro, baseada no traballo por proxectos, e que garanta a participación activa de todas as nenas e nenos 👧👦

📌 Podedes consultar toda a información detallada e o cadro de actividades na seguinte sección:

Alta/renovación dos servizos de comedor e madrugadores:

JARDANAY é nova empresa encargada do servizo de comedor e madrugadores. Para facer uso dos servizos tedes que solicitar a alta dos mesmos a través da súa web https://comedores.jardanay.es Toda a información na sección actualizada da web para o presente curso:

Arrancamos un novo curso!

Moitas grazas pola vosa atención e colaboración.